"Iha tempu funu ita hakarak ita povu moris ba nafatin hodi ukun rai ida ne'e, agora ukun-an tiha hakarak ho moras ida, ita hakarak ita-nia povu moris nafatin labele mate”, dehan Elizario iha sede Suku Katrai kraik, tersa (12/10)
Tanba ne'e populasaun tenke fiar informasaun Husi membru Governu sira no abandona kampaña bosok husi ema irresponsabilidade dehan simu vasina mate.
"Sira ne'ebé halo kampaña bosok dehan vasina mate ne'e krime tanba Viola lei, tuir mai simu vasina mak la iha oan ne'e ne'e bosok, tanba laiha aman ida sosa aimoruk atu oho fali ninia fen no oan sira iha uma laran hanesan mós estadu ne'e nia mak responsável Estadu nian tanba ne'e nia lakohi nia povu atu mate, maibé sosa aimoruk atu povu livre husi Covid-19”, esplika nia:
Komunidade, Luis Filomeno, ne'ebé simu ona vasina dalarua fó sasin katak vasina ne'e di'ak ba ema hotu nia saúde, tanba laiha impaktu bainhira simu vasina refere.
"Ema barak diskute dehan orsida vasina ne'e dehan di'ak orsida dehan la di'ak entaun povu ne'e tauk, ne'ebé hanesan horseik ha'u ho veteranus João Felisberto ami na’in-rua ba vasina para hodi hatudu ba veteranu labele tauk, ami mós moras iha laran ami ba vasina de'it, simu tiha vasina to'o fali dadersan ami la sente buat ida, ha'u sente vasina ne'e di'ak hela ne'e mak ohin ha'u mai ko'alia hela ba sira katak vasina ne'e di'ak”, dehan nia. (*)
