SEkoop Esplika Vasina Dalan Úniku Halakon Covid-19 iha TL

Kominidade sira partisipa hela Kampaña nasional Kontra Covid-19 iha Munisípiu Ermera. Kominidade sira partisipa hela Kampaña nasional Kontra Covid-19 iha Munisípiu Ermera. Foto Tempo Timor

Tempotimor (Lauana)-Sekretáriu Estadu Kooperativa (SECoop), Elizário Ferreira, esplika ba Komunidade sira iha Suku Lauana, Postu Administrativu Letefoho, Munisípiu Ermera, atu simu vasina tanba ne’e dalan úniku atu halakon Covid-19 iha Timor-Leste (TL).

"Peste ema nian ne'e la'os akontese de'it iha Timor-Leste maibé akontese iha mundu tomak nune'e ema besik millaun ida iha mundu mak mate, maibé ita halo jestaun oioin liuhusi Serka Sanitária, Konfimentu Obrigatóriu no Estadu Emerjénsia ne'e ita halo hotu maske nune'e ita iha mate hamutuk 119”, dehan Elizario iha sede Suku Lauana, tersa (12/10). 

Tanba iha tinan 2017 hahú husi pesti manu nian mak kona iha Timor-Leste, iha tinan 2018 peste fahi nian, 2019 tama kedan ho peste ema nian mak Covid-19 to'o agora.

Maibé Governu lakohi nia populasaun mate barak hanesan nasaun sira seluk mak halo esforsu hanesan kampaña Vasinasaun hodi redúz Covid-19 iha Timor Leste.

"Ita iha Timor, ita populasaun oituan de'it kuandu ema mate barak normalmente ita-nia família sira mak sei mate tanba moras ida ne'e inimigu boot ne'ebé mak la haree ho matan la kaer ho liman”, afirma nia.

Xefe Suku Katrai Leten, Domingos Fernandes hatete, povu hakarak koopera ho Governu maibé tanba asesu informasaun iha mídia Sosiál ikus mai povu barak mak trauma no tauk atu simu vasina to'o agora.

"Loloos ne'e povu koopera, liliu lansamentu informasaun iha mídia iha televizaun iha Facebook, sona ema nia tensaun to'o struk, rán sai husi ibun, sai husi inus, no tensaun no monu kedas iha fatin entaun husi informasaun sira ne'e povu trauma no tauk”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter