HNGV Kontinua Aplika Teste SWAB ba Pasiénte ho Família

Tempotimor (Dili)-Xefe Gabinete Kontrolu Kuantidade Komunikasaun Sosial, Sara Maria F. Xavier hatete, Hospital Nasionál Guidu Valadares (HNGV) kontinua aplika teste swab ba pasiénte sira wainhira ba baixa nomós ba familia ne'ebé vizita.

"Ita nafatin halo, ativa triajen hodi halo screening massal ba ita-nia pasiénte sira ne'ebé tama mai iha HNGV, tanba ita lakoi atu hetan transmisaun ba pesoál sira nomós ba pasiénte sira seluk, entaun pasiénte sira ne'ebé atu mai baixa, atu mai konsulta ita tenke halo teste nune'e labele fó transmisaun ba pasiénte no pesoál saúde sira”, dehan nia iha edifísiu HNGV, tersa (12/10).

Maske vírus ne'e nia númeru tun ona maibé HNGV kontinua ativa Screening Massal ho Polymerase chain Reaction ( PCR ) teste. HNGV mós halo ona modefikasaun ba formatu triajen inklu ninia estatutu vasina.

"Formatu triajen foun ne'e, atubele hatene ema ne'ebé afeitadu ona Covid-19 ka la’e?. Pernah baixa iha ne'ebé, nune'e ita bele hetan data ne'ebé validu no ita bele fó informasaun no edukasaun ba pasiénte sira ne'ebé  mai iha ne'e”, esplika nia.

Hafoin konfinamentu obrigatóriu no serka sanitária movimentu iha HNGV maka’as fali ona.

Tanba ne'e mak husu ba ema hotu atu kumpri nafatin regra sira ne'ebé HNGV tau hela iha resintu hospitál nian.

Nune’e mós pasiénte ida ho família mak akompaña, bele troka malu maibé tenke na'in-ida, no la autoriza labarik ki'ik-oan sira menus husi tinan 12 atu ba ospitál tanba risku boot tebes atu hetan transmisaun no infeksaun iha HNGV. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter