Login to your account

Username *
Password *
Remember Me

Xefe Aldeia iha Gurusa Rejeita Simu Vasina Kontra Covid-19 

Pesoál Saúde prepara hela atu vasina komunidade sira. Pesoál Saúde prepara hela atu vasina komunidade sira. Foto Suplay

Tempotimor (Letefoho)-Primeiru Ministru (PM), Taur Matan Ruak hatete, xefe aldeia ida iha Suku Gurusa, Postu Administrativu Kelikai, Munisípiu Baukau, rejeita hodi simu vasina kontra Covid-19.

"Ha'u simu informasaun husi Ministru Petróleo dehan ba ha'u hatene katak Xefe Aldeia ida husi Suku Gurusa lakohi simu vasina”, dehan PM Taur, iha kampaña vasinasaun iha Postu Administrativu Letefoho, Mini Ermera, segunda (11/10).

Líder komunitariu sira tenke buka maneira hódio kontribui ba programa nasionál, tanba líder komunitária sira sai hanesan bibi atan di'ak ida ne'ebé lori nia sidadaun ba lori du'ut matak no bee-moos, 

"Xefe Suku ne'e sai hanesan bibi atan ida, tuir loloos ne'e bibi atan sira tenke lori bibi sira ba du'ut matak noo bee moos. Maibé bibi atan ida ne'e lori fali nia bibi sira ba du'ut maran no bee fo'er”, afirma nia.

Líder Komunitáriu sira tenke kontribui hodi fasilita komunidade sira hodi evita pandemia Surtu Covid-19 ne'ebé mak invade hela Timor-Leste.

Vise Ministru Saúde (MS), Bonifacio Maucoli dos Reis hatete, Postu Administrativu Letefoho sidadaun simu vasina foin atinje pursentu 19 (19%).

"Letefoho foin 19 pusentu maioria seidauk simu vasina tanba ne'e imi tenke simu vasina hodi kontra Covid-19 iha imi-nia postu”, dehan nia.

Tanba ne’e, enkoraza nafatin líder komunitariu sira iha postu administrativu Letefoho atu bele kontribui lori sidadaun sira simu vasina Kontra Covid-19. (*)

Rate this item
(0 votes)
Last modified on Monday, 11 October 2021 11:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter