Login to your account

Username *
Password *
Remember Me

SEKomS Asegura Direitu Fundamentál Sidadaun ho Kampaña Vasinasaun 

Sekretáriu Estadu Komunikasaun Sosiál (SEKomS), Mericio Juvinal dos Reis ‘Akara’. Sekretáriu Estadu Komunikasaun Sosiál (SEKomS), Mericio Juvinal dos Reis ‘Akara’. Foto Suplay

Tempotimor (Dili)-Sekretáriu Estadu Komunikasaun Sosiál (SEKomS), Mericio Juvinal dos Reis ‘Akara’, hala'o Kampaña Nasionál Vasinasaun Kontra Covid-19 iha suku Cotamutu, Postu Administrativu Luro, Munisípiu Lautein, hodi asegura sidadaun sira-nia direitu fundamentál moris.

“Governu iha resposabilidade atu proteje kada sidadaun, tanba vida karun liu no ekonomia monu maibé bele rekupera fali, maibé ema balun lakon vida tanba labele rekupera moras, tanba ne'e ita tenke asegura uluk direitu fundamental moris”, dehan Mericio Akara,iha Suku Cotamutu-Luro, kinta (07/10).

Ho prezensa iha Suku Cotamutu ne'e, atu fó apoiu polítika komunikasaun ba Ministériu Saúde (MS) hodi aselera prosesu vasinasaun. 

Tanba antes ne'e primeiru Ministru (PM),Taur Matan Ruak, orienta ona membru Governu atu ba baze hodi fó konfiansa ba komunidade atu partisipa másima iha vasinasaun, hodi proteze komunidade husi pandemisa Covid-19.

SEKomS enkoraja komunidade sira iha Suku Cotamutu atu labele rona informasaun falsa ne'ebé espalla iha mídia sosiál hodi influénsia ema nia hanoin atu labele simu vasina.

Xefe Suku Cotamutu, Leopoldo da Conseição, mós husu ba komunidade sira atu rona informasaun los ne'ebé hato'o husi SEKomS kona-ba programa vasinasaun, nune'e bele kontribui.

"Ita hotu tenke rona informasaun los ne'ebe fó husi ita-nia Sekretáriu Estadu, atu nune'e ita hotu kontribui ba programa Kampaña nasionál vasinasaun Covid-19 iha Timor-Leste”, dehan nia.

Tanba ne’e, sei servisu hamutuk nafatin ho autóridade sira hodi identifika komúnidade ne'ebé mak seidauk marka prezensaatu tuir vasinasaun, bele partisipa hodi proteze-an husi Covid-19.

Dadus husi saúde, Postu Luro daudaun ne'e atinje ona 61,65% doze dahuluk vasina, husi totál komunidade elejível (idade 18 ba leten) na'in-2.426 no kompleta doze daruak hamutuk 30,975% husi nain-1.210, ne'ebé ho totál na'in-3.935.

Komunidade ne'ebé vasina ona doze dahuluk iha munisipiu Lautein atinje ona 53,4%. Enkuantu ema ne'ebé kompleta ona doze daruak 27,7%, husi totál populasaun 500.000-resin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter