Print this page

Membru Governu iha Obrigasaun Halo Kampaña Vasinasaun 

By October 06, 2021 856
Ministru Asuntu Parlamentár no Komunikasaun sosiál (MAPKomS), Francisco Martins Jerónimo. Ministru Asuntu Parlamentár no Komunikasaun sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasaun sosiál (MAPKomS), Francisco Martins Jerónimo hatete, membru Governu iha obrigasaun tun ba baze hodi halo Kampaña nasionál vasinasaun Covid-19, tanba povu menus informasaun halo persentajen vasina sei tun nafatin.

"Relasiona ho Kampaña Vasina los, katak Ministériu Saúde halo de'it los ona, ami mós la'ós dehan katak tur-tur ba halo kampaña lae, desizaun ne'e foti tanba fó kbi’it ba Ministériu Saúde ne'ebé mak hahú husi fulan-Abríl mai to’o iha tempu ida ne'e halo avaliasaun, lorloron deteta katak, la'ós dehan labele, maibé sira mós todan, entaun númeru vasina menus. Nune'e menbru Governu iha obrigasaun atu tun hodi halo Kampaña nasionál vasinasaun Covid-19”, dehan Ministru Francisco Martins, iha Palásiu Governu, tersa (05/10).

Tanba iha Munisípiu, doutór, enfermeira sira, prezidente Autoridade Munisípiu sira, ho diresaun liña Ministériál sira hotu, tun baze hodi fahe informasaun, maibé povu nafatin lakon konfiansa.

"Iha sira-nia  kakutak ne'e, buat ida aat ne'e mak iha, dehan vasina sei mate, ida la fiar ne'e mak iha kakutak laran, atu hamos sai ne'e difísil la halimar, entaun sira presiza membru Governu, husi nível nasionál atu to’o iha baze atu ko'alia kona-ba los ka la’e hanesan liña Ministérial sira ko'alia ne'e, ida ne'e mak halo membru Governu deside, ba baze atu esplika lolos ba povu”, dehan nia.

Bainhira ba baze, esperiénsia hanesan iha Manatutu, foufoun 22% maibé atinje ona pursentu 50-resin, hanesan mós iha Aileu bainhira MAPKomS ba halo Kampaña Nasionál Vasinasaun Covid-19. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items