"Relasiona ho dadus partisipasaun vasinasaun iha territóriu nasionál hatudu katak menus liu, ho nune’e husu ba komunidade sira iha teritóriu tomak atu keta rona informasaun ou kuidadu ho lia falsu husi ema iresponsabilidade ne'ebé espalla, tanba ema sira ne’e iha oin ko’alia oinseluk, maibé sira iha kotuk simu vasina atu salva sira-nia an”, dehan Ministru Francisco Martins, iha Palásiu Governu, tersa (05/10).

Ho nune'e husu ba komunidade sira atu se tulun hodi fiar de'it ba informasaun sira ne'ebé publikadu husi Governu no abandona informasaun ne’ebé hamate vontade simu vasina.

Dadaun ne'e, membru Governu sira aproveita oportunidade hothotu atu halo servisu ba kampaña nasionál vasinasaun Covid-19 iha baze.

"Ita-nia vasina tenke to’o 80% mak ita bele la'o livre hodi halo atividade ekonómika ho di'ak, se laiha ita duun malu dehan halo ida ne'e halo ida ne'ebá, maibé Kampaña Vasina rasik laiha, no la kleur moras kona ita taka fali serka, ita hasoru fali problema ida ne'ebé mak lorloron ita hasoru”, dehan nia. (*)