SEPS Husu Kairuioan Labele Tauk Vasina Kontra Covid-19

Sekretáriu Estadu Protesaun Sivíl (SEPS), Joaquim Gusmão, akompaña no observa hela komunidade sira simu vasina iha sede Suku Kairui, Postu Administrativu Laleia, Munisípiu Manatutu, sesta (01/10). Sekretáriu Estadu Protesaun Sivíl (SEPS), Joaquim Gusmão, akompaña no observa hela komunidade sira simu vasina iha sede Suku Kairui, Postu Administrativu Laleia, Munisípiu Manatutu, sesta (01/10). Foto Suplay

Tempotimor (Dili)-Sekretáriu Estadu Protesaun Sivíl (SEPS), Joaquim Gusmão, husu ba komunidade Sira suku Kairui, Postu Administrativu Laleia, Munisípiu Manatutu, atu labele tauk simu vasina kontra covid-19.

"Inan-Aman sira keta tauk atu simu vasina, tanba vasina sei fó benefísiu ba ita-nia vida. Ha'u rasik mós sente ona moras Covid-19 ne’e halo ita dada iis badak, hahán la sente ninia gostu no sabór”, dehan nia iha kampaña vasinasaun kontra Covid-19, nomós sensibilizasaun prevensaun Covid 19 sensivel ba jéneru iha sede suku Kairui, sesta (01/10).

Husu komunidade atu iha konsiénsia simu vasina tanba Programa vasinasaun ne'e importante tebes hasae imunidade hodi kontra moras ne'e. 

Bainhira komunidade sira lakoi vasina mak ema hotu seidauk bele la'o livre ba mai Munisípiu, no sei fó impaktu ba atividade ekonomia, tanba komunidade labele atu lori produtu lokál sira fa'an ba mai.

Ba komunidade ne’ebé tuir ona vasina doze dahuluk iha suku Kairui ne'e, konsege atinje 62,1%, no doze ba daruak foin atinje 26,8%.

Programa ba kampaña Vasinasaun Kontra Covid-19 no sensibilizasaun prevensaun Covid-19 sensivel ba jéneru ne'e, hetan apoiu husi nasaun Suésia liuhusi UN-WOMEN iha Timor-Leste ba Diresaun Nasionál Prevensaun Konflitu Komunitáriu (DNPKK-SEPS). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter