Governu Esforsu ‘Transforma’ SSK Sai Ospitál Munisipál Dili

Ministra Saúde (MS), Odete Maria Freitas Belo. Ministra Saúde (MS), Odete Maria Freitas Belo. Foto Suplay

Tempotimor (Dili)-Ministra Saúde (MS), Odete Maria Freitas Belo hatete, Governu sei eforsu atu transforma Sentru Saúde Komoro (SSK) sai ospitál munisipál Dili, maibé depende ba indokadór servisu husi sentru saúde refere.

“Ha’u mós haree diretora husu hela atu eleva Sentru Saúde ida ne'e nia nível atu ba sentru internamentu, maibé ita-boot ninia númeru populadaun ne'ebé mak atinje ona 165 mill ital, tuir planu husi Diretór Kooperasaun Planu Polítiku katak, se atu eleva la'ós ba sentru saúde internamentu maibé atu eleva ba óspital Munisipál”, dehan nia iha Sentru Saúde Komoro, sesta (01/10).

Tanba ne’e, hakarak atu eleva óspital ida ne'e la'ós fasil maibé depende mós ba komunidade, tanba vizita perkapita ne'e sei rua de'it, no hakarak ne'e ema ida hasoru infermeiru sira tinan ida dala-tolu, tanba indikadór vizita perkapita ne'e kada tinan dala-3.

“Ita hakarak atu eleva ospitál ne'e ita tenke hatudu husi indikadór sira, inan sira ba vizita ka la’e, sira ba simu besigen ka la’e, besigen ne'e pursentu 90 ka hira, indikadór importante sira ne'e mak tenke partilla ho prezidente autoridade, administradór postu, xefe suku no xefe aldeia atu asegura sira-nia komunidade, sira tenke asesu ba fasilidade ne'ebé mak ita prepara ona, nune'e bele fó dalan ba ita atu eleva ita-nia fasilidade ne'ebé mak ita halo”, esplika nia.

Maibé Ministériu fó hela servisu ida ne'e ba líder kominitáriu sira, diretora sentru saúde no doutora sira ne'ebé mak hala'o atividade saúde família.

“Favór ida halo relatóriu ne'ebé mak di'ak atu hatudu ita-boot sira-nia prestasaun liuhusi indikadór ne'ebé mak ita define ona, nune'e bele fasilita ministériu saúde hodi hasa'e nível sentru saúde ida ne'e, la'ós ba sentru saúde internamentu, maibé ita prepara ba óspital munisípiu”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter