“Ha'u hato'o ha'u-nia parabéns ba progresu implementasaun vasina iha rai laran la'o ho atinjimentu di'ak tebes, to'o ohin iha Dili laran husi populasaun elejivel ita atinje ona pursentu 78 ho doze dahuluk no pursentu 68 ho doze daruak ne'e di'ak duni”, dehan nia iha Sentru Saúde Komoro, sesta (01/10).

Husi ekipa Sentru Saúde Komoro kontribuisaun importante ba atijimentu ida ne'e. “Ha'u rasik simu doze dahuluk iha ne'e entaun ha'u iha esperiénsia verbal ne'ebé di'ak iha Komoro”.

Maibé, ida ne'e la siknifika servisu hotu ona, sei iha ema barak husi  Munisípiu seluk ne'ebé presiza simu vasina, tanba vasina nu'udar dalan ikus hodi kontra funu pandamia ne'e.

“Ha'u espera ho númeru vasina ne'ebé mai tan bele aselera koobertura vasina turi tarjetu iha tempu badak nia laran”, hatete nia.

Ministra Saúde (MS), Odete Maria Freitas Belo hatutan, Covid-19 ne'ebé sei iha ho númeru ne'ebé reduzidu, mak agradese tabes ba autoridade munisípiu Dili ba númeru vasinasaun ne'ebé aas liu kompara ho munisípiu sira seluk.

"Dadus hatudu katak, ita iha redusaun kazu moras iha óspital mós la barak, komesa redus maibé ita la bele tur nonok ita nafatin tau atensaun tanba vírus ida ne'e sei ataka ita”, dehan Odete.

Maibé nafatin ho dadus ne'ebé tun agradese tebtebes ba  kontribuisaun ne'e, Ministra Saúde bolu nafatin atensaun atu sentinela no kontroladu nafatin. (*)