“Kazu detetatu foun ne’ebé relata ohin (30 Setembru 2021) 43), kazu rekuperadu hamutuk 56 no totál óbitu na'in-rua”, dehan nia liuhusi komunikadu imprensa, tersa (28/09).

Enkuantu kazu   detetatu foun ne’ebé relata 43 (iha Dili 13 Baukau 20 munisípiu seluk hamutuk 10), mane 23 feto 20 ho idade 20 na'in-4 ho idade entre 12-59 na'in-39, ho idade 60 na'in-0, kazu ativu 765 no totál kazu konfirmadu kumulativu iha 28 Setembru 2021 (sura husi 21 Marsu 2020) hamutuk 19.498.

Nune'e totál óbitu na'in-2, matebian feto ho idade 40, hela iha Likisá, seidauk vasina, iha 29 Setembru 2021, diagnóstikadu sindroma insufisiénsia respiratória aguda (SIRA) tanba Covid-19 no iha  loron ne’e kedas hala’o tratamentu iha Lahane no ohin, loraik 14h45 matebian iis-kotu.  

Iha mós matebian Mane ho dade 63, hela iha RAEOA, seidauk vasina, iha 28 Setembru 2021 sindroma insufisiénsia respiratória aguda (SIRA) tanba Covid-19 nune'e iha loron ne’e kedas hala’o         tratamentu iha fatin izolamentu iha RAEOA.

Matebian iha mós problema tuberkuloze no ohin, dader 02h30 matebian iis-kotu, iha RAEOA. Família kolabora ho ekipa saúde, hodi hala’o funeral tuir protokolu ne’ebé adopta iha Timor-Leste.

Hahú husi loron 29 to’o 30 setembru, hamutuk hotu Laboratóriu Saúde (LNS) halo 140 testes PCR iha Dili, ho detalla hanesan vijilánsia sentinela 1, rastreiu ba kontaktu (contact tracing) 4, rastreiu aleatóriu (random screening)13, viajen sai husi serka sanitária munisípiu Dili 52, no viajen internasionál 32.

Enkuantu rezultadu teste PCR ne’ebé halo iha loron 29 fulan-setembru, munisípiu sira seluk, REAOA ho HNGV, hamutuk 302, ho detalla hanesan Baukau 128, Ermera 6, Maliana 11, Maubisse 11, RAEOA 7, Covalima-Suai 22, Vikeké 7, Lautein-Lospalos 28, HNGV 82 no follow up iha kuarentena 38. (*)