“Tanba ne'e mak la bele hanoin katak levanta ona ne'e 100 pursentu, kualker altura, kualker momentu kuandu haree katak risku ne'e aumenta naturalmente restrisaun balu tenke halo filafali”, dehan PM Taur hafoin reuniaun ho Prezidente Repúblika, Francisco Guterres 'Lú Olo' iha Rezidênsia Farol, kinta (30/09).
Maske Governu hasai ona serka sanitária rekezitu sira ne'e pratikamente la feleksibiliza ona maibé la siknifika la bele halo, iha momentu ida bainhira Ministériu Saúde haree katak iha nesesidade nia tenke husu kontinua serka sanitária.
Iha esperiénsia kombate Covid-19 ne'e liu ona faze rua, ida bolu dehan primeira faze nia sa'e pois nia tun, pois nia sa'e filafali no segundu faze, agora tun fali ona.
"Entaun ita aproveita halo kompaña kuandu sa'e fali ita aperta, tanba ita hantene katak ita iha tiha espasu ida ne'ebé halo aproveintamentu liliu ba kompaña vasinasaun tanba kampaña vasinasaun ne'e importnate loos”, infoma Taur.
Ho ida ne'e, Governu agora prepara hela ba normalizasaun maibé planu normalizasaun ne'e nia númeru ejize populasaun sira iha pelu menus nível nasionál no nível Munisípiu pursentu 70 ka pursentu 80 tuir vasina. (*)
