"Kazu detetatu ne’ebé relata ohin, 29 Setembru 2021 foun na'in-10, (iha Dili 7 munisípiu seluk hamutuk 3), mane 2, feto 8 no totál óbitu na'in-1", dehan nia liuhusi komunikadu imprensa, tersa (28/09).
Kazu detetatu foun ho idade 20 na'in-3, ho idade entre 12-59 na'in-6, ho idade 60 na'in-1, kazu ativu 778 no totál kazu konfirmadu kumulativu iha 28 Setembru 2021 (sura husi 21 Marsu 2020) hamutuk 19.455.
Nune'e óbitu na'in-1 (ida), matebian feto ho idade 78, hela iha Baukau, seidauk vasina, iha 21 Setembru 2021, diagnóstikadu Covid-19 iha Baukau no loron ne’e kedas hala’o izolamentu iha Baukau.
Matebian iha mós problema cardiopatia congenital no horisehik 13h10 matebian iis-kotu iha Baukau nune'e família kolabora ho ekipa saúde, hodi hala’o funeral tuir protokolu ne’ebé adopta iha Timor-Leste.
Enkuantu hahú husi loron 28 to’o 29 fulan-setembru, hamutuk hotu Laboratóriu Nasionál Saúde (LNS) halo 228 testes PCR iha Dili ho detalla hanesan vijilánsia sentinela 10, rastreiu ba kontaktu (contact tracing) 2, restreiu aleatóriu (random screening), 14 viajen sai husi serka sanitária munisípiu dili 62, viajen internasionál 34, no follow up iha kuarentena 106.
Rezultadu testes PCR ne’ebé halo iha loron 28 setembru, munisípiu sira seluk REAOA ho HNGV, hamutuk 227, ho detalla hanesan Baukau 25, Ermera 3 Maliana 8, Maubisse 6, RAEOA 3, Covalima-Suai 28, Vikeké 7, Lautein-Lospalos 67 no HNGV 80. (*)
