"Husi númeru hirak ne'e agora dadauk iha teritóriu tomak, ida ne'ebe mak ita sei trata, hanesan pasiente ba covid hela 920, e husi numeru sira ne'e hotu, ita hetan 113 ne'ebe mak óbitu (mate)”, informa Koordenadór Pilar-7 husi Ministériu Saúde (MS) ne'ebe intergra iha Sala Situasaun, Sentru Integradu Jestaun Krize (SIJK), Nilton da Sillva, iha plenária PN, tersa (28/09).
Ba kazu óbitu ne'e rasik iha fulan-kotuk ne'e rejista hamutuk 53, maibé iha fulan-ida ne'e sa'e ba 113.
Enkuantu totál kazu Covid-19 hahú iha tinan 2020-2021, hamutuk rihun-19-resin ne'e konta husi kazu rekuperadu no konfirmadu nomós kazu óbitu, no dadauk na'in-920 mak sei baixa hela. (*)