Print this page

Vasina Aat iha HNGV, PM Taur Fó Sala ba Pessoál Saúde 

By September 28, 2021 1039
Primeiru Ministeu (PM), Taur Matan Ruak. Primeiru Ministeu (PM), Taur Matan Ruak. Foto Suplay

Tempotimor (Díli)-Primeiru Ministru (PM), Taur Matan Ruak, fó sala ba pesoál Saúde, tanba la tau atensaun ba vasina AstraZeneca no Sinovac balun ne’ebé aat iha Hospital Nasionál Guido Valadares (HNGV) iha fulan hirakliuba.

"Tanba saida mak vasina sira aat?. Ohin ita ko'alia eletrisidade, mais la'ós eletrisidade, neglijensia (deskuida) inspesaun jerál halo inspesaun ba Guido Valadares nian, konkluzaun mak ne'e, laiha ema ida mak tau matan loroloron ba refrigeration”, dehan Primeiru Ministru Taur iha Parlamentu Nasionál, tersa (28/09).

Tanba ne’e, fó ezemplu katak, loroloron iha uma ema tenke tau matan ba refrigeration hodi hamoos bebeik atu nune'e sasán sira iha laran dodok karik, hasai tiha sasán tuan no hatama fali foun.

"Vasina mós hanesan, maibé iha ne'e laiha. Husi Suai nian mós iha, relatóriu ne'ebé senhora. Ministra Saúde fó ba ha'u ne'e neglijensia. Tantu ita profesionál saúde sira seidauk iha ábitu ba dader meudia kalan sempre tau. Portantu difinisaun buat ne'ebé risku karik ita la tau matan nia bele aat para depois sira bele atensaun nafatin”, dehan Taur.

Ho ida ne’e, alerta ba pesoál saúde sira liliu sira ne’ebé tomak konta ba sistema friginífico sira atu tau atensaun, labele haluha semana ida resin mak mosu hodi check, naturalmente vasina sira ne'e bele aat.

Nune'e iha Hospital Nasionál iha jeradór ida reforso (rezerva) bainhira sentrál elétrika mate, automatikamente tenke liga jeradór rezerva ne'e hodi funsiona.

"Ha'u husu ba senhora Ministra se problema jeradór tanba saida mak osan Covid-19 iha nusá mak la sosa?. Senhora Ministra dehan la’e, problema neglijensia entaun ita tenke tau responsabilidade, sira la tau matan, la tau atensaun ita-nia serbísu sira”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items