Print this page

Taur: Sidadaun iha Responsabilidade ba Prevensaun Covid-19

By September 28, 2021 976
Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Díli)-Primeiru Ministru (PM), Taur Matan Ruak hatete, Sidadaun ida-idak iha responsabilidade ba prevensaun transmisaun pandemia Covid-19.

"Responsabilidade ba prevensaun transmisaun ba virus aat ida-ne’e, pertense ba kada sidadaun, liuhusi doasaun loroloron, mantein komportamentu ba distansiamentu sosiál no regra respiratória, uza máskara, fase liman loroloron, mantein distánsia fízika ho ema sira seluk ne’ebé la hela hamutuk ho ita, ema labele halibur malu bainhira la nesesáriu”, dehan Taur iha Parlamentu Nasionál, tersa (28/09).

Tanba númeru sira ne’ebé mak fó-sai katak ema sira ne’ebé la vasina sei hasoru situasaun ho vulnerabilidade boot liu kona-ba Covid-19, ne’ebé fó risku boot ba moras todan ho forma oioin no konsekuénsia ba mate.

“Ha’u apela ba ema sira ne’ebé mak seidauk vasina, atu nune’e sira simu vasina, buka no hetan vasina hodi kontribui, ne’e la’ós protesaun ba ninia-an de’it hodi kontra moras, ne’ebé maka bele foti ona ema atus-resin-ida nia vida iha ita-nia rain, maibé hodi garante ba protesaun familiár sira, amigu, kolega sira, no ita-nia komunidade rai-laran”, afirma nia..

Responsabilidade sívika ba sidadaun ida-idak sai importante tebes, iha momentu ne’ebé halo erradikasaun ba Covid-19 ezije mobilizasaun ema sira hotu ne’ebé iha Timor-Leste, tantu ema timoroan nomós estranjeiru.

Iha ne’e Governu fó sentidu kondolénsia tristeza ba Timoroan hamutuk 113 ne'ebé mak hakotu iis tanba Covid-19. No husu ba sidadaun sira atu  kuidadu-an no evita-an husi propagasaun hirus Covid-19 iha Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items