"Entaun husi ne'ebá atu hatete katak, maluk sira iha ne'ebá, bazeia ba estudu ne’ebé mak kolega sira halo husi vizilánsia hatudu katak maluk sira mate la'ós tanba covid”, dehan nia liuhusi diskusaun renovasaun Estadu Emerjénsia ba dala-18 iha plenária Parlamentu Nasionál (PN), tersa (28/09).
Tanba vizilánsia epidimilojia ne’ebé parte saúde halo ba kazu iha Kelikai, liliu sira na’in-54 ne’ebé mak mate, konsege halo tracing (swab) ba família relevante hamutuk sampel 100 no ikus deteta ema na’in-6 mak pozitivu.
"Entaun sira mate tanba saida?, ida, sira mate tanba sira tauk, ba fasilidade saúde, segundu sira mós barak mak ho idade ne’ebé mak mais 60 anos, tauk lori ba fasilidade saúde, atu hetan swab”, esplika nia.
Tanba ne'e, SIJK hakarak fó informasaun ba PN, kona-ba dadus ne’ebé mak mate iha Kelikai, bele dehan katak, X (la’ós) ba covid-19. (*)