Print this page

Kazu Covid-19 Foun 42, Mate Na'in-2 iha Izolamentu

By September 25, 2021 661
Covid-19 Timor-Leste. Covid-19 Timor-Leste. Foto Suplay

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo Informa, kazu Covid-19 foun 42 no mate na'in-2 iha Izolamentu.

"Kazu detetatu ne’ebé relata ohin, dia 25 de Setembru de 2021 foun 42 (iha Dili 22 ho munisípiu seluk hamutuk 20), mane 23, feto 19 no totál óbitu na'in-2", dehan nia liuhusi komunikadu imprensa, sábadu (25/09).

Husi totál kazu detetadu foun hirak ho idade 20 na'in-16, ho idade entre 12-59 na'in-19, ho idade 60 na'in-7, kazu rekuperadu 103, kazu ativu 1.045 no totál kazu konfirmadu kumulativu iha 25 de Setembru de 2021 (sura husi 21 Marsu 2020) hamutuk 19.350.

Enkuantu totál óbitu ne’ebé relata na'in-2 (rua), feto ho idade 59, hela iha Dili, vasina kompletu (AZ), iha 5 Setembru 2021, diagnóstikadu sindroma insufisiénsia respiratória aguda (SIRA) tanba Covid-19 no iha loron ne’e kedas hala’o tratamentu iha Lahane nune'e horikalan 19h30 matebian iis-kotu.

Tuir matebian mane ho udade 54, hela iha Manatutu, informasaun kona-ba vasina la klaru, iha 24 setembru 2021, diagnóstikadu sindroma insufisiénsia respiratória aguda (SIRA) tan bá Covid-19. Iha loron ne’e kedas hala’o tratamento iha Lahane.

Horikalan 23h55 matebian iis-kotu no família kolabora ho ekipa saúde, hodi hala’o funerál tuir protokolu ne’ebé adopta iha Timor-Leste.

Hahú husi loron 24 to’o 25 setembru, hamutuk hotu Laboratóriu Nasionál Saúde (LNS) halo 210 testes PCR iha Dili, ho detalla hanesan tuir mai, vijilánsia sentinela 2, rastreiu ba kontaktu (contact tracing) 3, rastreiu aleatóriu (random screening) 34, viajen sai husi serka sanitária munisipiu dili 127, viajen internasionál 21 no  follow up iha kuarentena 23.

Rezultadu testes PCR ne’ebé halo iha loron 24 de Setembru, Munisipiu sira seluk, REAOA ho HNGV, hamutuk 341, ho detalla hanesan Baukau 63, Ermera 10, Maliana 14, Maubisse 4, RAEOA 14, Covalima-Suai 62,  Vikeké 14, Lautein-Lospalos 75 no HNGV 96. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items