Pasiénte Covid-19 Na'in-8 Gravé, Mate Na'in-2

By Tempo Timor September 24, 2021 751

font size decrease font size increase font size
Print
Email

Pasiente ne'ebe mate iha sala izolamentu. Foto Suplay

Tempotimor (Dili)-óKoordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, pasiénte Covid-19 na'in-8 Gravé iha izolamentu no mate na'in-2 iha izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na'in-52.

"Gravé hamutuk 8 pesoál (na'in-2 uza ventilador, 6 uza oksijéniu), moderadu hamutuk 28 pesoál, leve hamutuk 16 pesoál no totál óbitu na'in-2 (rua)", dehan nia liuhusi komunikadu imprensa, sesta (24/09).

Matebian mane ho idade 62, hela iha Lautein, vasina kompletu (AZ), iha 18 Setembru 2021, diagnóstikadu sindroma insufisiénsia respiratória aguda (SIRA) tanba Covid-19 no iha loron nne’e kedas hala’o tratamentu iha Lahane.Horisehik loraik 16h45 matebian iis-kotu.

Iha mós matebian mane ho idade 83, hela iha Manatuto seidauk vasina, iha 24 Setembru 2021, diagnóstikadu sindroma insufisiénsia respiratória aguda (SIRA) tanba Covid-19.

Iha loron 24 fulan-setembru dader 11h10 matebian iis-kotu iha Manatuto no família rejeita hala’o funerál tuir protokolu ne’ebé adopta iha Timor-Leste. (*)

Rate this item

(0 votes)

Last modified on Friday, 24 September 2021 23:19

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com