Print this page

Eis Komandante Ma'huno Hakotu Iis iha HNGV

By September 24, 2021 5207
Eis Komandante FALINTIL, Kay Rala Xanana Gusmão (karuk), tuir fali Komandante Mauhuno (matebian), Komandante Taur Matan Ruak, Lere Anan Timur no Lú Olo, Hamutuuk iha serimonia komemorasaun loron importante balun liuba, Eis Komandante FALINTIL, Kay Rala Xanana Gusmão (karuk), tuir fali Komandante Mauhuno (matebian), Komandante Taur Matan Ruak, Lere Anan Timur no Lú Olo, Hamutuuk iha serimonia komemorasaun loron importante balun liuba, Foto Suplay

Tempotimor (Díli)-Eis Komandante FALINTIL, José António Gomes da Costa "Ma'huno Bulerek Karathayano", hakotu ona nia iis hodi temina peregrinasaun iha Mundu, loron sesta (24/09/2021), tuku 16:00 liu oras timor-leste (otl) iha Hospital Nasionál Guido Valadares.

Antes ne'e matebian pozitivu Covid-19 no halo tratamentu iha Sala Izolamentu Ospital Lahane hafoin muda ba Hospital Nasionál Guido Valadares (HNGV), ikus mai hakotu iis.

Saudozu Ma'huno moris iha loron 14 fulan-Abríl tinan 1949, no iha tinan 1975 to'o 1999 envolve iha Partidu FRETILIN (Frente Revolusionáriu Timor-Leste Independente). Iha tinan 1990–1992 hanesan Sekretáriu Jerál Fretilin. No iha tinan 1992–1993 hanesan Prezidente Fretilin.

Nune'e iha tinan 2017 bainhira Partidu CNRT hari'i husi eis Komandante Kay Rala Xanana Gusmão, matebian asume kargu nu'udar Vise Prezidente Partidu CNRT (Congresso Nacional Reconstrução Timorenses) to'o iis kotu.

Saudozu mós asume kargu iha funu laran hanesan Sekretáriu Rejiaun III Falintil, no iha tinan 1992–1993 hanesan komandante Falintil hafoin troka husi Saudozu Komandante Nino Konis Santana. (*)

 

Rate this item
(1 Vote)
Last modified on Friday, 24 September 2021 20:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items