UE-UNICEF Apoiu Millaun US$4,8 ba MS Kuidadu Saúde Nutrisaun

Tempotimor (Dili)-União Europeia (UE) ho Organizasaun Fundu Nasoins Unidas ba Labarik (UNICEF) apoiu osan hamutuk millaun US$4,8 ba Minsitériu Saúde (MS) atu hametin servisu kuidadu saúde primária no nutrisaun populasaun iha Timor-Leste (TL).

Embaixadór Uniaun Europeia iha Timor-Leste, Andrew Jacobs hatete, nutrisaun kleur ona mak sai apoiu prinsipál husi UE ba Timor-Leste. Liuhusi “Parseria ba Melloramentu Nutrisaun iha Timor-Leste.

"UE apoia finanseira no téknikamente Ministériu Saúde iha implementasaun Estratéjia Nasionál ba Nutrisaun ho objetivu atu hametin servisu kuidadu saúde primaria no nutrisaun ba populasaun. Atu kompletamenta apoiu orsamentál, UE envolve UNICEF ho millaun EUR 4,8 (millaun USD 5,6)", dehan nia iha palásiu Sinza, Kaikoli, kinta (23/09).

Hodi apoiu tékniku ba Ministériu Saúde, no Ministériu sira seluk ne‘ebé envolve, hodi hadi’a servisu nutrisaun ne‘ebé foka ba prevensaun no jestaun má-nutrisaun no moras komún, diversifikasaun dieta nian, no mudansa hahalok no prátika fó susubeen inan nian.

Ministra Saude, Odete Maria Freitas Belo hatutan, UE Prontu apoiu Timor-Leste liliu iha área nutrisaun nian, altura ne'eba ko’alia tiha ona enkontru iha nível aas, ne'ebé lidera husi Ministeriu Negósiu Estranjeiru no Kooperasaun (MNEK) no enkontru ne'e halo kada tinan.

"Kuandu orsamentu aloka ona mai Timor, espesialmente ba MS tanba ita liga ba asuntu nutrisaun nian, entaun enkontru ida hansan ohin ne'e ita halo kada tinan, enkontru ne'e ita hakrak halo revizaun ba atividade sira ne'ebé mak ita halo ona", dehan Odete.

Tanba, nutrisaun importante no partikularmente importante ba labarik sira tanba labarik nia direitu atu sobrevive, no sai isin di’ak no forte.

Ho labarik sira ne'ebé ho kondisaun nutrisaun di'ak sa’e ba adultu saudável sira ne'ebé sei kontribui ba dezenvolvimentu sósio-ekonómiku nasaun nian. (*)

Rate this item
(0 votes)
Last modified on Friday, 24 September 2021 11:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter