Durante Fulan Hitu, Sentru Saúde Komoro Rejistu Moras ISPA 23.788

Reprezentante Xefe Sentru saúde Komoro, Milena Do Rego. Reprezentante Xefe Sentru saúde Komoro, Milena Do Rego. Foto Tempo Timor

Tempotimor  (Dili)-Reprezentante Xefe Sentru saúde Komoro, Milena Do Rego informa, hahú husi fulan-janeiru to'o jullu tinan 2021, sentru saúde Komoro rejistu moras infeksaun sistema respiratóriu aguda (ISPA) hamutuk ema na'in-23,788 (49,09%) depois tuir tan mak moras kulit no moras diárea.

"Moras ne'ebé mak rejistu aas liu iha sentru saúde Komoro ne'e mak moras Infeksaun Sistema Respiratoriu Aguda (ISPA), moras kulit nomós moras diárea maibé kazu sira ne'e la halakon pasiénte sira-nia vida, no pasiénte sira la'ós moras gravé liu, tanba ne'e sira mai halo konsulta baibain de'it", dehan nia iha kna’ar fatin sentru saúde Komoro, kinta (23/09).

Tanba moras ISPA hamutuk 23.788,(49.09%), moras kulit hamutuk 7063,(14.57%) nomós moras diárea 5950.

"Pasiénte sira ne'ebé mak ho moras ISPA, moras kulit no moras diárea mai halo tratamentu iha ne'e ho númeru ne'ebé aas, maibé ami-nia ai-moruk ba pasiénte sira sufisiénte hela hodi atende sira, pasiénte ne'ebé mak mai ho kondisaun la dun di'ak ka kondisaun ne'ebé mak presiza duni ba emerjénsia ne'e lori lansung ba sala emerjénsia”, informa nia.

Iha tinan  2021 ne'e, pasiénte sira mai halo tratamentu iha sentru saúde Komoro menus liu kompara ho tinan kotuk, tanba pasiénte sira tauk atu mai halo tratamentu, bainhira atu ba halo tratamentu presiza swab, entaun halo pasiénte sira tauk atu mai halo tratamentu.

"Iha sentru saúde ne'e tuir lolos pasiénte sira ho moras ISPA ne'e ami tenki halo swab hotu kedas, maibé tanba deit pasiénte sira tauk, entaun sira mai halo tratamentu iha ne'e ami presiza husu ida ne'ebé mak hakarak swab mak hafoin ami halo swab ba sira, no ida ne'ebé lakohi swab ami la bele obriga sira, maibé iha kazu emerjénsia ka maternidade nian ne’e tenke swab”, informa nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter