"Ohin ami konfirma kona-bá vasina ne'e mais tuir klarifikasaun husi Ministra nian katak, ne'e la'ós at, mais só que tau fali iha ninia konjeladór ne'e mak ninia grau ne'e menus, ne'ebé la'ós expired, tanba ne'e mak ohin ami konfirma problema sira ne'e hotu", dehan nia hafoin remata enkontru ho Ministra Saúde (MS) iha PN, kinta (23/09).

Durante iha enkontru ne'e, Ministra Saúde la relata informasaun kona-ba posibilidade simu vasina dala-tolu.

Tanba, agora Ministeriu Saúde sei foku hela ba prepara ai-moruk Pfizer hodi vasina labarik sira ne’ebé ho idade 12-17.

"Ai-moruk Pfizer ne'e dehan tempu besik husi Ministériu Saúde sei hala'o Vasina, mais em-primeiru lugar sira tenke halo sosializasaun ba iha ita-nia alin sira, atu kompriende didi'ak depois kuandu hala'o vasina mais sira labele tauk", hatete nia. (*)