Governu Prepara Simu Vasina Pfizer Dozes 100.620

Tempotimor (Dili)-Ministru Prezidénsia Konsellu Ministru (MPKM), Fidelis Leite Magalhães hatete, mekanizmu Covax konfirma ona disponibilidade hodi haruka doze 100.620, ne’ebé sei to’o iha país Timor-Leste.

"Mekanizmu Covax konfirma ona disponibilidade hodi haruka doze 100.620, ne’ebé sei  to’o iha país iha tempu badak  nia laran”, informa Fidelis iha Palásiu Governu, kuarta (22/09).

Responsável sira husi elaborasaun no Koordenasaun Ezekusaun Planu Vasinasaun  kontra Covid-19 halo ona aprezentasaun ida kona-ba preparasaun implementasaun vasina Pfizer nian iha territóriu nasionál, ne’ebé hodi permite vasinasaun foinsa’e sira ho idade husi tinan 12 to’o 17.

"Tuir planu ne’ebé aprezenta vasinasaun ne’e sei realiza iha eskola sira no alunu foinsa’e rihun 50 sira husi 60 to’o 110, husi munisípiu pre-selesionadu sira, mak sei simu vasina ba dahuluk, iha faze daruak nian sei vasina alunu sira seluk no ba foinsa’e sira ne’ebé la rejista iha eskola sira. Doze daruak husi vasina ne’e nian sei administra ho intervalu loron 21”, dehan nia.

Preparasaun ba kondisaun nesesária armazenamentu vasina nian sei realiza iha SAMES ho apoiu tékniku no finanseiru UNICEF nian.

Tanba ne’e, prepara ona prosedimentu operasionál sira, ba armazenamentu, transporte, jestaun no aplikasaun vasina nian, ne’ebé sei asegura ho apoiu tékniku husi Organizasaun Mundiál Saúde nian.

Vasina Pfizer kontra Covid-19 ne’e iha efikásia 95% kontra infesaun sintomátika SARS-CoV-2 nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter