"Ohin Konsellu Ministru deside hakotu impozisaun serka sanitária, munisípiu Baukau, Ermera no Kovalima, ne'ebé remata ohin iha tuku 23:59”, dehan Ministru Prezidensia Konsellu Ministru (MPKM), Fidelis Manuel Leite, iha Palásiu Governu hafoin konsellu Ministru, kuarta (22/09).
Iha ne’e aprova mós rezolusaun ida atu kontinua impoin Serka Sanitária iha Munisípiu Dili durante semana ida.
"Aprova projetu Rezolusaun Governu nian ne'ebé mantein impozisaun serka sanitária iha munisípiu Dili to'o tuku 23:59 loron 29 fulan-setembru’, dehan nia
Nune'e, mantein impozisaun proibisaun sirkulasaun emasiranian entre munisípiu Dili no Sirkunskrisaun administrativa sira-seluk, exetu iha kazu hirak ne'ebé iha fundamentu forte tanba razaun seguransa públika, saúde públika, asisténsia umanitária, manutensaun ba Sistema abastesimentu publiku ka razaun seluk ne'ebé presiza atu hala'o ba interese públiku nian.
La inklui proibisaun ba sirkulasaun ida-ne'e individuu sira ne'ebé komprova vasinasaun kompleta (doze rua) kontra COVID-19, nomós ba labarik sira ho idade tinan 6 ne'ebé akompaña ema sira ne'e. (*)