Print this page

Ekipa Saúde Manatuto Sei Investiga Kazu Mate ho Covid-19

By September 22, 2021 1083
Diretór Saúde Munisípiu Manatutu, Mateus Vicente Correia. Diretór Saúde Munisípiu Manatutu, Mateus Vicente Correia. Foto Tempo Timor

Tempotimor (Dili)-Diretór Saúde Munisípiu Manatutu, Mateus Vicente Correia informa, sira sei forma ekipa atu halo investigasaun ba kazu mate ho Covid-19 iha munisípiu refere tanba seidauk iha indentifikasaun ne'ebé mak los.

 Iha Manatuto seidauk iha dadus ba kazu mate ho Covid-19 ne'ebé klaru, maibé  kada semana iha Manatutu to'o postu fatin 6, sempre mate na'in-2 ka na'in-3 ba ema ne'ebé ho idade 60 ba leten.

"Ami fila ba sei forma ekipa atu halo investigasaun klean liután kona-ba kazu mate ne'e, tanba ita hotu hatene katak mate ne'e seidauk liuhusi identifikasaun ne'ebé mak los, maibé tuir ami-nia observasaun katak mate tanba Covid-19", informa nia iha Novu Turizmu Lesidere, tersa (21/09).

Tanba ema sira mate ne'e, maioria sira ne'ebé mak la asesu ba vasina, ba ema sira ne'ebé mak simu ona vasina sira moras maibé la mate.

"Komunidade sira ne'ebé mak mate ho idade idozu 60 anos ba leten, sira ne'ebé mak mate ne'e, tuir observasaun ne'ebé mak ami hetan ne'e, sira la asesu ba vasinasaun, depois hetan moras iha sira-nia  hela fatin, maibé sira tauk atu ba halo tratamentu, to'o ikus lakon vida", esplika nia.

Enkuantu ema ne'ebé mate kada semana iha  postu 6 ne'e mak hanesan iha Manatutu Vila, Laleia, Natarbora, Laklubar nomós sira seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items