"Kazu detetadu ne’ebé ralata ohin, 20 Setembru 2021 foun 25 (iha Dili 20 ho munisípiu seluk hamutuk 5, mane 11 no feto 14 no kazu rekuperadu 127", dehan nia liuhusi komunikadu imprensa, segunda (20/09).
Husi totál kazu detetadu foun ho idade 20 na'in-5 (20,0%), ho idade entre 12-59 na'in-15 (60,0%), ho idade 60 na'in-5, kazu ativu 1.572 no totál kazu konfirmadu kumulativu iha 20 Setembru 2021 (sura husi 21 Marsu 2020) hamutuk 19.058.
Enkuantu totál óbitu ne’ebé relata ohin na'in-1 (ida), mane no idade tinan 45, hela iha Dili, seiduak vasina, iha 1 Setembru 2021, diagnóstikadu iha HNGV ho sindroma insufisiénsia respiratória aguda (SIRA) tanba Covid-19.
Horikalan matebian iis-tuku 20h58 iha Lahane no família kolabora ho ekipa saúde, hodi hala’o funerál tuir protokolu ne’ebé adopta iha Timor-Leste.
Hahú husi loron 19 to’o 20 setembru, hamutuk hotu Laboratóriu Nasionál Saúde (LNS) halo 175 testes PCR iha Dili ho detalla hanesan vijilánsia sentinela 3, rastreiu ba kontaktu (contact tracing) 2, rastreiu aleatóriu (random screening) 14, viajen sai husi serka sanitária Munisípiu Dili 47, viajen internasionál 1no follow up iha kuarentena 108.
Rezultadu testes PCR ne’ebé halo iha loron 19 Setembru, munisípiu sira seluk REAOA ho HNGV, hamutuk 251, ho detalla hanesan Baukau 97, Ermera 10, Maliana 44, Maubisse 5, RAEOA 6, Covalima-Suai 2, Vikeké 2, Lautein-Lospalos 11 no HNGV 64. (*)
