Iha Ministériu Saúde nia guia tau iha ne'ebá katak, bele fó vasina ba inan isin-rua sira, maibé médiku sira tenke halo konsulta didi'ak se bele simu kala’e?.
Enkuantu iha nasaun seluk sira fó ba inan isin-rua sira tanba, inan isin-rua sira mós sai hanesan ema ne'ebé mak vulnerável tebtebes atu vírus Covid-19 ne'e bele kontamina sira, maibé tenke haree filafali kondisaun inan nian.
"Ami ko'alia barak liu kona-ba inan isin-rua sira ne'ebé iha liña frente, sira ne'ebé servisu iha ospitál, sira ne'ebé servisu besik fó atensaun ba pasiénte sira, ami ko'alia barak liu kona-ba ida ne'e, maibé prontu ita hothotu haree ba vasina ne'e forte uituan no ami seidauk haree ita halo lista ona ba inan isin-rua ruma liliu sira ne'ebé servisu iha liña frente", dehan nia iha Kampung Alor, SAMES, sesta (17/09).
Nune'e la taka dalan ba inan isin-rua seluk tanba guia ne'e iha maibé fó espesialmente ba inan isin-rua enfermeira, parteira ne'ebé servisu iha liña frente.
"Se inan isin-rua balun ne'ebé ami indentifika sira prontu atu bele simu ami laiha problema karik bele simu, nune'e mós ba inan sira ne'ebé partud", deklara Odete. (*)