Médiku Internasionál Na'in-3 Sei Fó Asistensia iha Izolamentu 

Primeiru Ministru, Taur Matan Ruak. Primeiru Ministru, Taur Matan Ruak. Foto Tempo Timor

Tempotimor (Dili)-Primeiru Ministru, Taur Matan Ruak hatete, iha fulan-setembru loron 22 sei  hetan apoiu médiku internasionál na'in-3 husi nasaun Austrália hodi fó asisténsia maka’as ba pasiénte Covid-19 iha izolamentu Lahane no Vera Cruz.

"Apoiu ne'ebé ita hetan husi Austrália médiku ema na'in-8 no iha loron 22 sei mai tan na'in-3, atu fó asisténsia maka’as ba ita-nia espesialista sira, ita-nia profesionál sira iha Lahane no Vera Cruz ne'ebé ita-boot sira hatene sira kuaze kolen, kuaze tinan ida resin loron kalan hader tau matan ba ita-nia ema ne'e susar la halimar", dehan Taur hafoin reuniaun ho Prezidente Repúblika, Francisco Guterres 'Lú Olo' iha Residénsia Farol, kinta (16/09).

Tanba ne'e Governu halo reforsu ida atubele ajuda profesionál saúde sira  pelumenus iha tempu no deskansa mós, atubele mellora atendementu ba sidadaun sira ne'ebé razaun Covid-19, sira ba para iha Lahane no Vera Cruz.

Entretantu, Embaixadór Austrália iha Timor Leste, Peter Robert hasoru malu ho Primeiru Ministru (PM), Taur Matan Ruak, hodi ko'alia kona-ba servisu hamutuk atu kontra COVID-19 iha Timor-Leste durante situasaun difísil.

“Ekipa emerjensia médiku husi Austrália mai Timor-Leste atu servisu hamutuk ho ekipa saúde Timor-Leste nian iha Vera Cruz, Lahane, HNGV, atu luta kontra Corona Virus", dehan Embaixadór Austrália iha Rezidênsia Farol, kuarta (15/09). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter