“Ha’u kontente tebes ohin bele hasoru malu ho Primeiru Ministru hamutuk ho ekipa AUSMAT husi Austrália, ne’e ekipa emerjénsia médiku husi Austrália mai Timor-Leste atu servisu hamutuk ho ekipa saúde Timor-Leste nian iha Vera Cruz, Lahane, HNGV, atu luta kontra Corona Vírus, no ha’u kontente tebes Austrália bele servisu hamutuk ho Timor-Leste iha tempu difísil hanesan ne’e”, dehan Embaixadór Austrália iha Rezidénsia Primeiru Ministru, Farol, kuarta (15/09).
Nasaun ne'ebé besik tenke tane liman ba malu liuhusi materiál ne'ebé mak presiza iha situasaun difísil nia laran.
“Hanesan kolega, hanesan viziñu iha tempu difísil servisu hamutuk, entaun ha’u kontente bele lori peskiza husi Austrália, mediku sira emfremeiru sira, lojistika, radiolojistika atu serbisu hamutuk ho Timor-Leste atu ajuda Timor-Leste iha tempu difísil hanesan ne’e”, hatete nia.
Maibé husu mós ba Timoroan atu kontinua vasina, tanba bele ajuda ema livre husi Covid-19 iha situasuan difísil ne'e.
Nune'e Austrália no nasaun seluk prontu servisu hamutuk United Nations International Children's Emergency Fund (UNICEF), liuhusi vasina ne’e proteje-an, proteje familia no proteje komunidade nomós Timor-Leste. (*)