Print this page

Kazu Covid-19 Foun 118, Rekuperadu 176

By September 14, 2021 215
Covid-19 Timor-Leste. Covid-19 Timor-Leste. Foto Suplay

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 foun 118 no kazu rekuperadu hamutuk 176.

"Kazu detetatu ne’ebé relata ohin, 14 Setembru 2021 foun 118 (iha Dili 93, & munisípiu seluk hamutuk 25), mane 66, feto 52 no totál kazu rekuperadu 176", dehan Koordenadór Forsas-Tarefas ba Prevensaun no Motigasaun Surtu Kovid-19, Rui Maria de Aroujo liuhusi komunikadu imprensa, tersa (14/09).

Husi totál kazu detetadu foun ho idade 20 na'in-15 ho idade entre 12-59 na'in-96 ho idade 60 na'in-7, kazu ativu 2.952 no totál kazu konfirmadu kumulativu iha 14 Setembru 2021 (sura husi 21 Marsu 2020) hamutuk 18.715.

Hahú husi loron 13 to’o 14 Setembru 2021, hamutuk hotu Laboratóriu Nasionál Saúde (LNS) halo 404 testes PCR iha Dili ho detalla hanesan vijilánsia sentinela 44, rastreiu ba kontaktu (contact tracing) 58, rastreiu aleatóriu (random screening) 64, viajen sai husi serka sanitária Munisípiu Dili 131, viajen internasionál 67 no follow up iha kuarentena 40.

Rezultadu testes PCR ne’ebé halo iha loron 13 Setembru iha munisípiu sira seluk REAOA ho HNGV, hamutuk 339 ho detalla hanesan Baukau 46, Ermera 25, Maliana 10, Maubisse 27, RAEOA 41, Covallina-Suai 27, Vikeké 13, Lautein-Lospalos 35, HNGV 115. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items