"Kazu rekuperadu ne’ebé ralata ohin, 222 no óbitu na'in-2", dehan nia liuhusi komunikadu imprensa, sábadu (11)09).
Kazu detetatu foun 74 (ihabDili 61 ho munisípiu seluk hamutuk 13), mane 27, feto 47 ho idade 20 na'in-16 ho idade entre 12-59 na'in-54 ho idade 60 na'in-4, kazu ativu 3.145 no totál kazu konfirmadu kumulativu iha 11 Setembru 2021 (sura husi 21 Marsu 2020) hamutuk 18.382.
Entretantu totál óbitu ne’ebé relata iha na’in-2 (rua), mane ho idade tinan 57, estranjeiru, hela iha Dili, vasina seidauk kompletu, iha 9 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19 nune'e iha loron ne’e kedas matebian hala’o tratamentu iha Lahane no Matebian iis-kotu ohin dader, 7h45.
Matebian feto ho idade fulan 2, inan-aman hela iha Lospalos, hala’o tratamentu ba infesaun vias urinárias ho sindroma sepse iha HoREX Baukau. Iha 10 Setembru 2021, diagnóstikadu ho sindroma insufisiénsia respiratória aguda (SIRA) tanba Covid-19. Matebian iis-kotu horikalan 20h58.
Família kolabora ho ekipa saúde, atu hala’o funerál tuir protokolu ne’ebé adopta iha Timor-Leste.
Hahú husi loron 10 to’o 11 Setembru 2021, hamutuk hotu Laboratóriu Nasionál Saúde halo 300 testes PCR iha Dili, ho detalla hanesan vijilánsia sentinela 74, rastreiu ba kontaktu (contact tracing) 53, restreiu aleatóriu (random screening) 45, viajen sai husi serka sanitária munisípiu Dili 79, viajen internasionál 5 no follow up iha kuarentena 44.
Totál testes PCR ne’ebé halo iha loron 10 setembru, iha munisípiu sira seluk REAOA ho HNGV, hamutuk 386, ho detalla hanesan Baukau 67, Ermera 16, Maliana 31, Maubisse 16, RAEOA 47, Covalima-Suai 19,Vikeké 10, Lautein-Lospalos 41 no HNGV 139. (*)
