Timoroan Kontinua Mate ho Covid-19, Óbitu Foun Na'in-2

Covid-19 iha Timor-Leste. Covid-19 iha Timor-Leste. Foto Suplay

Tempotimor (Dili)-Sentru Integradu Jestaun ba Krize (SIJK) dadaun ne'e rejista sidadaun iha Timor-Leste kontinua mate tanba hetan infetadu ho vírus Covid-19 no iha loron tersa (06/09) mate (óbitu) na'in-2.

Tanba ne'e, óbitu iha Timo-Leste hamutuk na'in-82 husi Munisípiu Dili na'in-61, Bobonaro na'in-7, Ainaro na'in-3, Vikeké na'in-3, Baukau na'in-2, Lautein na'in-2, Covalima na'in-1, Ermera na'in-1, Likisáa na'in-1 no RAEOA na'in-1.

"Totál óbitu ne’ebé relata ohin, na'in-2 (rua), ho detalla hanesan primeiru Feto ho idade tinan 76, Timoroan, hela iha Maliana, seidauk vasina, iha 31 Agostu 2021, diagnóstikadu iha Ospitál Referénsia Maliana, ho sindroma insufisiénsia respiratória aguda (SIRA) tanba Covid-19", dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, tersa (06/09).

Iha matebian feto ho idade tinan 64, Timoroan hela iha Dili, iha 25 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19 no iha loron ne’e kedas matebian hala’o tratamento iha Lahane.
Enkuantu família kordena ona ho ekipa saúde atu hala’o funerál tuir protokolu ne’ebé adopta iha Timor-Leste.

Entretantu Kazu detetatu foun ne'ebé remata iha loron 06 fulan-setembru na'in-80 (iha Dili 56, Baukau 12, RAEOA 10 ho munisípiu seluk hamutuk 2), mane 35, feto 45 ho idade 20 na'in-7 (23,3%) ho idade 12-59 na'in-62 (77,5%) ho idade 60 na'in-11, 22 kazu ka 27,5% mak sintomátiku (hatudu sintomas).

Nune'e kazu rekuperadu na'in-130, kazu ativu 4.132 no totál kazu konfirmadu kumulativu iha 6 Setembru 2021 (sura husi 21 Marsu 2020) hamutuk 17.698.

Hahú husi loron 5 to'o 6 Setembru 2021, hamutuk hotu Laboratóriu Nasionál Saúde (LNS) halo 275 testes PCR iha Dili ho detalla hanesan vijilánsia sentinela 20, rastreiu ba kontaktu (contact tracing) 31, rastreiu aleatóriu (random screening) 54, viajen sai husi serka sanitária Munisípiu Dili 50, viajen internasionál 1 no follow up iha kuarentena 119.

Rezultadu testes PCR ne’ebé halo iha 5 Setembru, munisípiu sira seluk, REAOA ho HNGV hamutuk 287, ho detalla hanesan Baukau 71, Ermera 0, Maliana 11, Maubisse 24, RAEOA 27, Covalima-Suai 15, Vikeké 0, Lautein-Lospalos 11 no HNGV 128. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter