Kazu Covid-19 Foun 150, Mate Na'in-2

Covid-19 Timor-Leste. Covid-19 Timor-Leste. Foto Suplay

Temotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun 150 no mate na'in-2 ne'ebé na'in-1 simu ona vasina kompletu kontra Covid-19.

"Kazu detetatu ne’ebé relata ohin, loron 5 fulan-Setembru tinan 2021 foun 150 (iha Dili 96, Ataúro 18, Baukau 30, Covalima 14 ho munisípiu seluk hamutuk 10), mane 70, feto 80 no mate na'in-2 husi Munisípiu Dili ho Baukau", dehan nia liuhusi komunikadu imprensa, domingu (05/06).

Husi totál kazu detetadu foun ho idade tinan 20 na'in-35 (23,3%) ho idade entre tinan 12-59 na'in-101(67,3%) ho idade 60 na'in-14, kazu rekuperadu 225, kazu ativu 4.184 no totál kazu konfirmadu kumulativu iha 5 Setembru 2021 (sura husi 21 Marsu 2020) hamutuk 17.618.

Entretantu totál óbitu ne’ebé relata iha loron 5 fulan-setembru na'in-2 (rua) ho detalla hanesan Bebé mane ho idade fulan 10, Timoroan, inan-anam hela iha Baukau, iha 2 Setembru 2021, diagnóstikadu iha Sentro Saúde Riamare, Baukau ho sindroma insufisiénsia respiratória aguda (SIRA) tanba Covid-19. Matebian sofre mós desnutrisaun severa ho ensefalite no matebian iis-kotu horisehik 17h30.
Nune'e mós mane ho idade tinan 58, sidadaun estranjeiru, hela iha Aileu, vasina kompletu, iha 27 Agostu 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19. Iha loron ne’e kedas matebian hala’o tratamento iha Lahane. Matebian iis-kotu ohin 14h55.

Nune'e Família kordena ona ho ekipa saúde atu hala’o funerál tuir protokolu ne’ebé adopta iha Timor-Leste.

Enkuantu hahú loron 04 to'o 05 Setembru 2021 hamutuk hotu Laboratóriu Nasionál Saúde (LNS) halo 133 testes PCR iha Dili, ho detalla hanesan vijilánsia sentinela 1, rastreiu ba kontaktu (contact tracing) 10, rastreiu aleatóriu (random screening) 26, viajen sai husi serka sanitária Munisípiu Dili 4, viajen internasionál 2 no follow up iha kuarentena 73.

Totál testes PCR ne’ebé halo iha loron 4 setembru, Munisípiu sira seluk REAOA ho HNGV, hamutuk 320, ho detalla hanesan Baukau 67, Ermera 0, Maliana 8, Maubisse 47, RAEOA 32, Covalima-Suai 19, Vikeké 19, Lautein-Lospalos 2 no HNGV 126. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter