Kazu Covid-19 Hahú Menus, Mate Laiha no Foun 196

Kazu Covid-19 iha Timor-Leste. Kazu Covid-19 iha Timor-Leste. Foto Suplay

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, dadus ba loron 03 fulan-setembru tinan 2021 númeru kazu Covid-19 hahú menus, mate laiha no kazu foun iha 196.

"Númeru kazu detetadu foun menus, kompara ho horisehik, númeru óbitu laiha nune'e númeru ema ne’ebé halo tratamentu ospitalizadu reduz no kazu detetatu foun 196 (iha Dili 109, Baukau 24, Ermera 19, Manatutu 12, Lautemin 10 ho munisípiu seluk hamutuk 22), mane 110, feto 86", dehan nia liuhusi komunikadu imprensa, sesta (03/09).

Husi totál kazu detetadu foun ho idade tinan 20 na'in-30 (15,3%) ho idade entre tinan 12-59 na'in-160 (81,6%) ho idade 60 na'in-6, 59 kazu ka 30,1% mak sintomátiku (hatudu sintomas), kazu rekuperadu 251, kazu ativu 4.429 no totál kazu konfirmadu kumulativu iha 3 Setembru 2021 (sura husi 21 Marsu 2020) 17.379.

Hahú husi loron 02 to'o 03 Setembru 2021 hamutuk hotu Laboratóriu Nasionál Saúde (LNS) halo 594 testes PCR iha Dili ho detalla hanesan vijilánsia sentinela 90, rastreiu ba kontaktu (contact tracing) 155, rastreiu aleatóriu (random screening) 84, viajen sai husi serka sanitária munisípiu Dili 175, viajen internasionál 62 no follow up iha kuarentena 28.

Rezultadu testes PCR ne’ebé halo iha loron 2 Setembru, munisípiu sira seluk REAOA ho HNGV, hamutuk 514 ho detalla hanesan Baukau 109, Ermera 16, Maliana 30, Maubisse 22, RAEOA 28, Covalima-Suai 78, Vikeké 16, Lautein-Lospalos 31 no HNGV 184. (*)

Rate this item
(0 votes)
Last modified on Friday, 03 September 2021 17:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter