"Husu ba responsavel no entidade sira hotu hamutuk unidade atu fó solusaun hodi hahú responsabilidade no serbisu ho profisionál iha Postu Administrativu Soibada, munisípiu Manatutu”, dehan Ministru Francisco Martins iha Soibada, Manatuto, bainhira halo avaliasaun Kampaña nasionál vasinasaun Covid-19, kinta (02/09).
Maibé gradese ba entidade hothotu atubele kontinua serbisu, nune’e antes tinan 2021 ne’e remata Timor-Leste bele atinje ona ba 80 % vasinasaun Covid-19:
"Nune'e mós hato'o agradesimentu ba entidade frontline sira, liliu parte saúde, seguransa, autoridade munisipál to’o iha nível suku no aldeia ne’ebé servisu maka’as tebes durante ne’e, e kontinua nafatin nune'e antes tinan ida ne'e remata ita Timor-Leste atinje ona 80%”, dehan nia.
Tanba parte Governu hahú limita sirkulasaun komunidade sira nian liuhusi lockdown, atubele fó tempu ba pesoál liña frente sira atu hala’o sira-nia kna’ar hodi halo mitigasaun, hanesan parte mídia, polísia no militár, liliu pesoál saúde rasik. (*)