Print this page

Kazu Covid-19 Foun 269, Mate Na'in-2

By September 02, 2021 844
Covid-19 Timor-Leste. Covid-19 Timor-Leste. Foto Suplay

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun hamutuk 269 no mate na'in-2 iha izolamentu Vere Cruz.

"Kazu detetatu ne’ebé relata ohin, 2 Setembru 2021 foun 269 (iha Dili 139, Ermera 27, Baukau 22, Bobonaro 16, Covalima 14, Lautem 12, Vikeké 9, Manufahi 9 ho munisípiu seluk hamutuk 21), mane 158, feto 111 no totál óbitu na'in-2. Óbitu ne’ebé relata ohin na'in-2”, dehan nia liuhusi komunikadu imprensa, kinta (02/09).

Husi totál kazu detetadu foun ho idade tinan 20 na'in-58 (21,5%) ho idade entre tinan 12-59 na'in-187 (69,5%) ho idade 60 na'in-24, 94 kazus ka 35,% mak sintomátiku (hatudu sintomas), kazu rekuperadu 262, kazu ativu 4.485 no totál kazu konfirmadu kumulativu iha 2 Setembru 2021 (sura husi 21 Marsu 2020) hamutuk 17.183.

Matebian feto ho idade tinan 36, Timoroan hela iha Dili, seidauk vasina, iha 21 Agostu 2021, diagnóstikadu iha HNGV ho sindroma insufisiénsia respiratória aguda (SIRA) tanba Covid-19. Iha loron ne’e kedas matebian hala’o tratamento iha Vera Cruz. Matebian iis-kotu iha loron 02 fulan-setembru dader 04h00.

Matebian mane ho idade tinan 60, Timoroan hela iha Dili, seidauk vasina, iha 2 Setembru 2021 diagnóstikadu iha HNGV ho sindroma insufisiénsia respiratória aguda (SIRA) tanba Covid-19. Matebian i’is-kotu ohin 13h25, iha HNGV. Família rejeita atu hala’o funerál tuir protokolu ne’ebé adopta iha Timor-Leste.

Hahú husi loron 01 to’o 02 Setembru 2021, hamutuk hotu Laboratóriu Nasionál Saúde (LNS) halo 759 testes PCR iha Dili ho detalla hanesan vijilánsia sentinela 48, tastreiu ba kontaktu (contact tracing) 88, rastreiu Aleatóriu (random screening) 129, viajen sai husi serka sanitária munisípiu Dili 212, Viajen internasionál 87 no follow up iha kuarentena 195.

Rezultadu testes PCR ne’ebé halo iha loron 1 Setembru, munisípiu sira seluk REAOA ho HNGV, hamutuk 481, ho detalla hanesan Baukau 107, Ermera 8, Maliana 71, Maubisse 21, RAEOA 32, Covalima-Suai 68, Vikeké 25, Lautein-Lospalos 14 no HNGV 135. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items