"Total óbitu ne’ebé relata ohin, 1 Setembru 2021 na'in-5 (lima). Kazu óbitu Covid-19 iha Timor-Leste hamutuk 72", informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Maria de Araújo liuhusi komunikadu impremsa, kuarta (01/09).
Husi totál kazu ne'e, iha mane ho idade tinan 72, Timoroan, hela iha Dili iha 30 Agostu 2021, diagnóstikadu iha HNGV ho Covid-19 ho Acidente Vascular Cerebral (AVC) hemorájiku. Matebian iis-kotu horikalan iha 23h30.
Iha mós feto ho idade tinan 59, Timoroan, hela iha Dili iha 31 Agostu 2021 diagnóstikadu iha HNGV ho Covid-19 Acidente Vascular Cerebral (AVC) iskémiku. Matebian iis-kotu 1 fulan-setembru 10h00.
Matebian mane ho idade tinan 63, Timoroan hela iha Dili iha 29 Agostu 2021diagnóstikadu iha ho sindroma insufisiénsia respiratória aguda (SIRA) tanba Covid-19. Matebian iis-kotu iha loron 1 fulan-setembru, 12h55.
Nune'e, Mane ho idade tinan 72, Timoroan, hela iha Ainaro iha 30 Agostu 2021 diagnóstikadu iha Ainaro ho sindroma insufisiénsia respiratória aguda (SIRA) tanba Covid-19. Matebian iis-kotu 1 fulan-setembru, 06h00, molok atu evakua ba ospitál referénsia Maubisse.
Iha tan feto ho idade tinan 49, Timoroan, hela iha Covalima iha 29 Agostu 2021 diagnóstikadu iha Covalima sindroma insufisiénsia respiratória aguda (SIRA) tanba Covid-19. Iha loron ne’e kedas, matebian evacuada liuhusi ambulância aeria mai Vera Cruz. Matebian iis-kotu horikalan 19h15. (*)