Login to your account

Username *
Password *
Remember Me

Manatutu Atinje Pursentu 44, MAPKomS Husu Komunidade Ativu Vasina

Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Foto Suplay

Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu ba komunidade munisípiu Manatutu tomak, atu nafatin ativu iha vasinasaun Covid-19 maske dadus hatudu Munisípiu Manatuto atinje ona porsentu 44 (44%).

"Enkoraja populasaun Manatutu atu nafatin simu vasinasaun maske dadus saúde hatudu katak númeru vasinasaun iha munisípiu ne’e atinje ona porsentu 44 husi totál populasaun liu rihun 46 ne’ebé simu ona vasina”, dehan Ministru Francisco iha aldeia Labubu, suku Laku Mesak, Postu Administrativu Laklo, Munisípiu Manatutu, tersa (31/08).

Tanba ne’e, komunidade suku Laku Mesak tenke partisipa másimu iha programa vasinasaun ne’e, tanba vírus Covid-19 ameasa ona mundu tomak dezde mosu ba dala uluk iha sidade Wuhan-Xina iha tinan 2019.

Ho ida ne’e, ema miliaun haat-resin mate iha mundu, enkuantu Timor-Leste rejista ona númeru mortalidade hamutuk neennulu-resin, tanba ne’e uainhira la halo prevensaun ho sériu mak Timor-Leste sei la lakon husi Covid-19 no sei lakon vida barak hanesan nasaun dezenvolvidu seluk ne’ebé iha rekursu sufisiente maibé labele salva sira-nia populasaun rasik

Ho Timor-Leste ne’ebé hola parte mós iha grupu COVAX ne’ebé lori asesu ba tipu vasina AstraZeneca, ne’ebé apoia husi parseiru internasionál sira, iha ne’ebé líder nasionál barak mak simu ona.

Haree bavantajen husi simu vasinasaun dala rua sei iha imunidade forte atu luta kontra moras ne’e se karik infetadu, no fó biban ba komunidade atu halo movimentu uainhira iha nesesidade importante ne’ebé presiza halo. Tanba ne’e, vasina hanesan xave importante hodi prevene vírus Covid-19

Husi parte saúde durante kampaña nasionál ba vasinasaun kontra Covid-19 iha aldeia Labubu, totál populasaun Suku Laku Mesak ne’ebé simu ona vasinasaun hamutuk 63, iha ne’ebé na’in-60 komposta husi feto na’in-18 no mane na’in-42 simu ona primeira doze, enkuantu na’in-tolu seluk, feto ida no mane na’in-rua kompleta ona vasina ba segunda doze.

Relasiona ho persentajen vasinasaun iha munisípiu Manatutu, Koordenadora-Jerál ba asuntu Covid-19, Odete Viegas, relata atualmente númeru vasina iha munisípiu Manatuto ne’e atinje ona porsentu 44 ne’ebé hatudu progresu signifikativu no tenke atinje porsentu 85 nune’e bele livre husi vírus mortál ne’e:

Maibé nafatin kumpre distansiamentu sosiál no uza máskara, tanba virus ho variente foun ho naran Delta da’et lais liu no posibilidade ema ne’ebé simu ona vasina dala rua bele infetadu maske ninia risku la gravé.

Administradór Postu Administrativu Laklo, Samuel Rodrigues Pereia hatete, nia parte halo ona sensibilizasaun liuhusi meius door to door ka tama uma sai uma no halo mós kampaña iha sentru saúde Laklo rasik hodi enkoraja populasaun atu simu vasinasaun. (*)

Rate this item
(0 votes)
Last modified on Wednesday, 01 September 2021 09:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter