“Bainhira kuandu moras oituan de'it hakbesik mai iha ospitál atu nune'e halo kedas tratamentu identifika ita-boot nia moras saida, karik mak presiza atu halo referal, ita tenke ho dalan ne'ebé naruk ita tenke refere sira ho kondisaun ne'ebé mak sei di'ak labele husik to'o todan tiha kedas mak lori mai ne'e. Ita rasik mak hatene esplika ho kondisaun sira ne'e”, hatete Odete Maria Freitas, Palásiu Sinzas, Kaikoli, tersa (31/08).

Nune'e kontinua husu ba komunidade sira atu lalika tauk ba ospitál atu luta kontra inimigu moras sira inklui mós Covid-19 ne'ebé da'et ona iha Timor-Leste.

"Karik iha ita-nia povu ka ita-nia sidadaun sira mak moras iha uma favor ida lalika ta'uk lalika hein to'o moras todan mak mai, maibé ospitál iha hela Covid-19 ne'e moras inimigu ita tenke luta hasoru inimigu ne'e la'os iha tauk fali inimigu maibé ita tenke sai lori ita nia moras ba konsulta hodi kontra hasoru moras”, informa nia.

Durante ne'e halo vizita ba Klínika no Ospital sira iha Timor laran tomak ospitál no klínika sira, mak kama ba pasiénte sira barak mak mamuk tanba sidadaun sira tauk tanba afeita de'it ba Covid-19.

Tanba Covid-19 invade iha Timor-Leste, ospitál Nasionál Guidu Valadares aplika regra ida katak sidadaun ne'ebé atu tama iha ospitál tenke vasina. (*)