Tanba Covid-19 no Variante Delta ne'ebé mak akontese ona iha Timor-Leste, sidadaun no Governu tenke simu tanba durante ne'e la kumpri regra ne’ebé estabelese husi Ministeriu Saúde (MS) no Organizasaun Mundiál Saúde (OMS).

"Ita la kumpri lei, regra ne'ebé mak iha ho tan variante ne'ebé mak iha ita labele sees husi moras ida ne'e no agora ita tenke simu nia konsekuénsia tanba ita rasik mak la kumpri protokolu sira ne'ebé mak iha”, dehan Ministra Odete, iha Salaun do Palásiu Sinzas, Kaikoli, tersa (31/08)

Durante ne'e sidadaun barak mak la Kumpri no la obedese ba regra implementasaun sira, dadaun Estadu Timor-Leste kada loron rejistu kazu óbitu inklui mós rezista maka’as kazu gravé no moderadu iha ospital Lahane inklui mós Sala Izolamentu Vera Cruz.

"Sim ida ne'e ita-boot sira lalika husu ona tanba iha inisiu kedas ha'u sempre ko'alia katak Ministériu Saúde ho Governu ita propõem atu halo prevensaun nian atu nune'e labele monu iha estadu ida hanesan agora”, afirma nia.

Dadaun ne'e Sentru Integradu Jestaun ba Krize (SIJK) rejista ona kazu Óbitu hamutuk 64 no kazu komfirmadu foun ne'ebé kada loron sa'e.

"Totál óbitu iha Timor-Leste no kazu foun relata ohin (30/08) no rekuperadu hamutuk 91”, informa SIJK ne'ebé www.tempotimor.com asesu, tersa (31/08).

Preokupasaun sira ne'e Ministra Odete esklarese hafoin, termo Entrega servisu kargu Diresaun no Xefia foun ba Servisu Nasionál de Ambulánsia Emerjénsia Médiku (SNAEM-IP) iha Palásiu Sinzas. (*)