Moras iha Indonézia, Oan Ki'ak Clemencia Husu Apoiu Timoroan

Tempotimor (Dili)-Oan Ki'ak Clemencia Da Costa Baptista, (25) ne'ebé hetan bolsu estudu hodi kontinua estudu iha Universdade UNISMA Malang, hetan moras infeksaun ne'ebé dadauk baixa hela iha ospital UNISMA, maibé seidauk hetan tratamentu operasaun, tanba laiha orsamentu.

Tanba ne'e, husu ajuda ba timoroan tomak, atubele kontribui osan tuir ida-idak nia forsa hodi bele fasilita hala'o operasaun ba nia moras.

"Ho haraik-an ami husi nia kolega sira ne’ebé estuda hamutuk, ami husu ba família, kolega, maun-alin sira hotu atubele ajuda netik ita-nia kolega, bin, alin no oan Clemencia atu nune’e bele hala'o operasaun no espera bele rekopera lalais hodi kontinua fali nia estudu hodi filafali ba Timor no kontribui ba dezenvovimentu Timor-Leste”, informa Vise Kestil Malang, Francisco Benjamin, liuhusi karta ne'ebé www.tempotimor.com asesu iha sábadu (28/08) .

Clemencia nu’udar oan feto boot ho nia alin ida, bainhira nia inan Aman mate sira sei kiik hela. Maibé madre ida mak hakiak sira hodi haree sira-nia eskola to’o madre mós husik hela sira no filafali ba Maromak nia kadunan.

Maske, husi ne’eba kedan laiha tan ona ema ida atu suporta nia hodi kontinua nia estudu iha nível universisdade, maibé nia la lakon esperansa, kontinua esforsu hodi buka dalan oioin no tuir bolsu estudu no konsege hetan duni bolsu estudu husi Universdade UNISMA Malang, foti Direitu.

Dadaun ne’e, Clemencia iha ona semestre V no falta semstre 3 tan atu remata nia estudu maibé tanba hetan moras infeksaun nune’e iha loron domingu, 22 Aug 2021 nia tenke tama ba oospitál.

To’o ohin loron nia sei kontinua hela iha ospital UNISMA no hein operasaun maibé seidauk bele hala'o operasaun ba nia moras ne’e tanba laiha orsamentu.

Enkuantu, Clemencia hanesan oan feto boot ho nia alin ida, família husi Suku Muapitine no Souro, Postu Administrativu Lospalos, Munisípiu Lautein, ne'ebe sira-rua nia inan no aman (matebian) hotu ona. (*)

Rate this item
(4 votes)
Last modified on Saturday, 28 August 2021 20:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter