Login to your account

Username *
Password *
Remember Me

MS Lakohi Sosa Vasina Estraga iha Rai Laran

Tempotimor (Dili)-Diretór Gabinete Planu Politika Kooperasaun Saúde husi Ministériu Saúde (MS), Narciso Fernandes deklara, Governu liuhusi Ministériu Saúde (MS) lakohi sosa vasina hodi estraga de'it tanba durante ne'e simu hela doasaun husi nasaun Austrália, Portugal inklui Xina, sei bele utiliza hodi vasina sidadaun sira.

"Prosesu ne'e sei la'o, ita observa lai ho situasaun ita-nia vasina atual agora. Ita lakohi sosa vasina, depois mai, ita labele utiliza, e depois vasina sira ne'e aat de'it iha ita-nia rai", dehan nia iha PN, kinta (26/08).

Tanba ne'e, Ministériu Saúde jere vasina ne'ebé ajuda husi nasaun doadór sira, nune'e fasilita povu atu hetan vasina sira ne'e.

Maibé Governu mós observa hela vasina e'ebé iha, karik presiza duni atu sosa tan vasina, Governu prontu tanba osan hamutuk tokon US$12 ne'ebé aloka atu sosa vasina sei iha.

"Ida ne'e iha finansa ne'ebé mak iha, alokasun ne'ebé mak uluk ita aloka, iha 12 milhões, ba vasina ne'e sufisiente hela maibé agora dadauk vasina doasaun mós sufisiente hanesan ohin ha'u mensiona", dehan nia.

Tanba realidade, vasina astraZeneca ne'ebé ajuda husi Nasaun Austrália no Portugal ne'e sei sufisiente atu oferese ba populasaun tuir tarjetu ne'ebé Governu define ona.

Iha loron 25 fulan-agustu, Governu mós hetan informasaun balun husi Governu Portugal no konfirma katak, sira sei apoiu tan vasina AstraZeneca mai Timor-Leste iha tempu badak.

Maske nune'e, Governu kontinua planu hela atu sosa vasina Pfizer, hodi responde ba politika ne'ebe mak aprova ona bele implementa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter