Login to your account

Username *
Password *
Remember Me

Sentru Saúde Manatuto Rejista Númeru ISPA Ás 

Tempotimor (Dili)-Ofisiál Saúde Públiku ba kontrola doensas Kontazioza (OSPKDK), João Perreira H.da Silva hatete, kada fulan Sentru Saúde Manatuto rejistu númeru Infesaun Vias Respiratoria (ISPA) as liu kompara ho moras sira seluk.

"Sim Sentru Saúde Manatuto rejistu kazu moras ne'ebé sa'e maka'as mak Infesaun Vias Respiratoria (ISPA), normálmente kazu boot liu ne'e mak ispa superior e ida ne'e mak domina liu", informa João Perreira liuhusi telfone, kuarta (25/08).

Kauza husi moras ne'e mak rai rahun iha tempu bai loron, maibé Sentru Saúde sempre fó atendementu ho di'ak tanba médiku sira organiza atendementu lorloron.

"Kauza ne'e tanba tempu rai maran no anin boot e kona-ba atendementu iha ne'e médiku sira organiza atendementu lorloron no atendementu emerjénsia lorloron tanba iha sentru saúde ne'e iha sala internamentu ne'ebé halo atendementu 24 oras", dehan nia.

Tanba iha fulan-agustus moras Ispa ne'e aumenta maka'as liu no iha mós kazu diarea maibé númeru ladún maka'as kompara ho tinan kotuk.

"Fulan-agustu ne'e etook sa'e maka'as liu, tanba iha semana ida ne'e de'it ita sentru saúde Manatuto rejistu atusrua-resin, seidauk inklui fulan kotuk sira nia, e iha Sentru saúde ne'e mós rejistu hotu iha kazu diarea maibé ne'e ladún maka'as ida kompara ho tinan kotuk", informa nia.

Totál moras Ispa ne'ebé rejistru husi fulan-janeiru to'o iha fulan-jullu hamutuk 9,059 iha Postu Administrativu neen (6), munisípiu Manatuto. (*)

Rate this item
(0 votes)
Last modified on Wednesday, 25 August 2021 16:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter