"Totál óbitu ne’ebé relata ohin, 22 Agostu 2021 na'in-2 (rua) na'in-1 mane ho idade tinan 76,Timoroan hela iha Dili no na'in-1 Feto, idade 61 hela iha Oekussi. Kazu detetatu foun 235 (iha Dili 183, Covalima 31, Manufahi 13, munisípiu seluk hamutuk 8), mane 111, feto 124”, informa nia liuhusi komunikadu imprensa, domingu (22/08).
Matebian iha 21 Agostu 2021 diagnóstikadu ho sindroma insufisiénsia respiratória aguda (SIRA) tanba COVID-19, iha fatin izolamentu Lahane hala’o tratamentu tuir protokolu ne’ebé iha, maibé matebian iis-kotu horikalan 19H00 tamba paragem respiratória ho falénsia orgaun lubuk-ida (multiple organ failure). Resultadu PCR hafoin i’is-kutu hatudu CT 23.
Feto ho idade tinan 61 Timoroan hela iha Oekussi iha 18 fulan-Agostu 2021, diagnótikadu iha Óspital Referénsia Oekussi ho sindroma insufisiénsia respiratória aguda (SIRA) tamba COVID-19 (PCR pozitivu ho CT 27,9). Matebian sofre mós Hipertensaun arterial ho diabete.
Iha fatin isolamentu Ospitál Fuan nian iha Oekussi hala’o tratamentu tuir protokolu ne’ebé iha maibé matebian iis-kotu ohin dader 00H55 tanba parajen respiratória ho falénsia orgaun lubuk-ida (multiple organ failure).
Matebian refere família kordena hela ho ekipa saúde atu hala’o funeral tuir protokolu ne’ebé adopta iha Timor-Leste.
Husi totál kazu detetadu foun hirak ho idade tinan 20 na'in-59 (23,8%) ho idade entre tinan 12-59 na'in 170 (72,3 %) ho idade 60 na'in-6, 101 kazu ka 43,0% mak sintomátiku (hatudu sintomas), 69 (29,3%) iha ona vasina kompletu 41b (17,4%) hetan ona vasina doze dahuluk.
Kazu rekuperadu 57, kazu ativu 3.264 no totál kazu konfirmadu kumulativu iha 22 Agostu 2021 (sura husi 21 Marsu 2020) hamutuk 14.216.
Hahú husi loron 21 to’o 22 Agostu, hamutuk hotu Laboratóriu Nasionál Saúde halo 431 testes PCR iha Dili ho detalla hanesan Vijilánsia sentinela 22, Rastreiu ba kontaktu (Contact tracing) 210, Rastreiu Aleatóriu (Random Screening) 25, Viajen sai husi serka sanitáriu munisípiu Dili 150, Viajen internasionál 16 no follow up iha kuarentena 8.
Rezultadu testes PCR ne’ebé halo iha loron 21 Agostu iha munisípiu sira seluk REAOA ho HNGV, hamutuk 488 ho detalle hanesan Baukau 79, Ermera 0, Maliana 31, Maubisse 32, RAEOA 20, Suai 113, Vikeke 0, Lautein-Lospalos 14 no HNGV 199. (*)