“Totál óbitu ohin na'in-4 (haat) ho Feto na'in-2 no mane na'in-2 sidadaun Timoroan hela iha Dili”, dehan nia liuhusi komunikadu imprensa, sábadu (21/08).
Matebian Feto ho idade 73, iha 20 Agostu 2021, diagnótikadu ho sindroma insufisiénsia respiratória aguda (SIRA) tamba COVID-19 (PCR pozitivu ho CT 36,5). Matebian sofre mós hipertensaun.
Iha fatin izolamentu Lahane, hala’o tratamentu tuir protokolu ne’ebé iha, maibé matebian iis-kotu horikalan 22H00 tanba falénsia orgaun lubuk-ida (multiple organ failure). Rezultadu PCR hafoin iis-kutu hatudu CT 34,9.
Matebian mane ho idade 74 iha 20 agostu 2021, diagnótikadu ho sindroma insufisiénsia respiratóra aguda (SIRA) tanba COVID-19 (PCR pozitivu ho CT 24,3). Matebian sofre mós hipertensaun.
Iha fatin izolamentu Vera Cruz, hala’o tratamentu tuir protokolu ne’ebé iha maibé matebian iis-kotu horikalan 22H45 tanba falénsia orgaun lubuk-ida (multiple organ failure) no rezultadu PCR hafoin iis-kutu hatudu CT 14,9.
Iha mós feto ho idade 36, iha 11 agostu tinan 2021, diagnótikadu iha HNGV ho sindroma insufisiénsia respiratória aguda (SIRA) tanba COVID-19 (PCR pozitivu ho CT 28,0). Matebian sofre mós diabete.
Iha fatin izolamentu Vera Cruz, hala’o tratamentu tuir protokolu ne’ebé iha maibé matebian iis-kotu ohin dader 03H00 tanba falénsia orgaun lubuk-ida (multiple organ failure). Rezultadu PCR hafoin iis-kutu hatudu CT 11,7.
Ikus liu matebian mane ida ho idade 46 iha 21 agostu 2021, diagnótikadu iha Emerjénsia HNGV ho pneumonia tamba COVID-19 (PCR pozitivu ho CT 19,8).
Enkuantu sei hala’o tratamentu inisiál iha Emerjénsia HNGV tuir protokolu ne’ebé iha no matebian iis-kotu maizumenus 11H45 dader tanba emobolia pulmonar. Rezultadu PCR hafoin iis-kutu hatudu CT 16,8.
Husi matebian na’in-haat ne’e família koordena hela ho ekipa saúde atu hala’o funerál tuir protokolu ne’ebé adopta iha Timor-Leste.
Husi númeru timoroan ne’ebé mate ho Civid-19, sura husi loron 21 Marsu 2020 to’o loron 21 fulan-agustu tinan 2021, hamutuk 45 no iha sidadaun Xineza ida, totál matebian 64. (*)
