“Totál óbitu ne’ebé relata ohin, 20 Agostu 2021 na'in-1 (ida) feto ho idade tinan 50, Timoroan hela iha Dili, iha 7 Agostu 2021 diagnótikadu iha HNGV ho COVID-19 (PCR pozitivu ho CT E gene 16,7, N gene 19,1)”, informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, sesta (20/08).
Matebian sofre mós Cancro Mama direita, ho metástase ba pulmaun no iha mós anemia severa. Iha fatin isolamentu Vera Cruz, hala’o tratamentu tuir protokolu ne’ebé iha, maibé matebian iis-kotu horisehik (19/08) loraik 16H40 tanba xoke séptiku & falénsia orgaun lubuk-ida (multiple organ failure).
Resultadu PCR hafoin iis-kutu hatudu CT Egene33. Família koordena hela ho ekipa saúde atu hala’o funeral tuir protokolu ne’ebé adopta iha Timor-Leste. (*)