Print this page

Klínika Bairopite Rejista Moras HIV/SIDA 183, Na’in-ida Mate 

By August 19, 2021 1121
Pasiente sira moras ispa no moras sira seluk ne'ebe tur hein tratamentu husi doutor sira iha Klínika Bairopite. Pasiente sira moras ispa no moras sira seluk ne'ebe tur hein tratamentu husi doutor sira iha Klínika Bairopite. Foto Suplay

Tempotimor (Dili)-Xefe Administrasaun Klínika Bairopite, Lino Alvaro hatete, durante ne’e Klínika Bairopite rejista pasiénte moras HIV/AIDS (human immunodeficiency virus/acquired immunodeficiency syndrome) hamutuk 183 ne’ebé durante halo tratamentu no iha na’in-ida mak mate.

“Moras HIV/AIDS ne'ebé mak númeru rejistu maka’as iha Klínika Bairopite tanba, pasiénte HIV agora dadauk ne'e ativu halo tratamentu hamutuk 183 no husi númeru ne'e pasiénte ida mak lakon nia vida iha fulan-jullu foin lalais”, dehan nia liuhusi komunikadu imprensa ne'ebé www.tempotimor.com asesu iha kinta (19/08).

Maibé, pasiénte na'in-1 mate kauza husi HIV tanba la ativu konsumu ai-moruk ne'ebé fó husi doutór sira.

Pasiénte HIV ne'ebé hala'o tratamentu hamutuk 183 sira-nia kondisaun saúde normál hela no klínika fó ai-moruk ne'ebé mak sufisiente hodi atende pasiénte sira.

Iha mós moras ISPA hahú buras iha klínika Bairopite tanba kauza husi klima anin maka’as hodi hamosu rai rahun barak.

“Klima anin no rai rahun ne'ebé mak akontese iha kapitál Dili no munisípiu sira foin lalais ne'e halo komunidade barak mak hetan moras ISPA”, esplika nia.

Tanba iha fulan-maiu moras ISPA sa'e ba ema na'in-788, iha fulan-juñu tun ba 578 nune'e iha fulan-jullu sa'e fali ba 890 no fulan-augostu dadus seidauk atualiza maibé ISPA kontinua okupa númeru dahuluk iha Klínika Bairopite. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items