Login to your account

Username *
Password *
Remember Me

Vasina Dala-Rua Livre, PM Taur Ko’alia Tuir Desizaun KM

Sekretáriu Estadu Komunikasaun Sosiál (SEKoms), Meríco Juvinal  dos Reis ‘Akara’. Sekretáriu Estadu Komunikasaun Sosiál (SEKoms), Meríco Juvinal dos Reis ‘Akara’. Foto Suplay

Tempotimor (Dili)-Sekretáriu Estadu Komunikasaun Sosiál (SEKoms), Meríco Juvinal  dos Reis ‘Akara’ hatete, deklarasaun Primeiru Ministru (PM), Taur Matan Ruak, ko’alia kona-ba vasinasaun dala-rua livre movimentu, tanba bazeia ba desizaun Konsellu Ministru (KM).

“Kona-bá vasinasaun ne’ebé distintu deputadu koalia, deklarasaun Primeiru Ministru mak los ka Ministra Saúde mak los, ne'e liga ba ema ne'ebé simu ona vasinasaun dala-rua. Klaru katak Governu ida de'it e Primeiru Ministru mak Xefe Governu, e saida mak nia ko’alia ne'e bazeia ba Konselhu Ministru, ida ne'e aas liu”, hatete nia iha Parlamentu Nasionál, tersa (17/8).

Tanba ne'e, ekipa sira ne’ebé Governu estabelese iha baze atu implementa servisu ida ne'e tuir desizaun Konselhu Ministru kona-bá ema ne’ebé simu vasina dala-rua livre asesu ba fatin hothotu no la presiza halo teste swab.

Maibé, Ministériu Saúde bele iha razaun, tanba ema simu ona vasina dalarua, posibilidade bele transmite nafatin vírus ba ema seluk, tanba ne'e mak iha kazu espesifiku balun, ne'ebé mak Governu tenke trata ketak.

“Ne’ebé hakarak klarifika iha ne'e katak deklarasaun Primeiru Ministru nia mak vale e funsiona ba teritóriu tomak”, dehan nia.

Deputada bankada KHUNTO, Olinda Guterres hatete, nia parte krítika deklarasaun primeiru ministru ho membru Governu tanba la koopera hamutuk.

Tanba Primeiru Ministru dehan Vasina dala rua, hatudu kartaun kinur ne'e bele la'o livre, maibé Ministra Saúde dehan labele.

“Povu pániku, no balun agora dehan vasina mós mate, la vasina mós mate, agora ema iha fatin-fatin ne'e la mate, agora mate ne'e so iha izolamentu”, afirma nia ba www.tempotimor.com liuhusi telefone kinta (19/8).

Bankada KHUNTO mós lamenta tanba ema ne’ebé infetadu tama ona izolamentu ne'e atu di’ak, maibé realidade la akontese.

“Tama ona izolamentu ne'e atu ba hadi’a sira-nia moras”, hatete nia.

Ba infensaun Covid-19 iha rai sira seluk liliu iha Indonézia, ema mate iha fatin-fatin, mak estadu tuir ba foti, maibé Timor-Leste ema mate bainhira tama iha izolamentu.

“Entaun izolamentu atu halo saida, ida ne'e mak povu ne'e pániku liu, ne’ebé husu ba Ministériu Saúde, tenke tun ba direta iha suku no aldeia sira ne'e para hodi esplika diretamente ba povu hodi nune'e povu bele kompriende”, deklara Olinda. (*)

Rate this item
(0 votes)
Last modified on Thursday, 19 August 2021 17:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter