"Autoridade Munisípiu Dili ho ami-nia komponente tomak husi postu, suku no to'o iha aldeia prontu atu suporta máximu oinsá atu lori ita-nia komunidade sira, no halo sensebilisazaun oinsá atu prevene vírus labele hadaet no ami sei apoiu máximu ba servisu saúde sira-nia hodi halo vasinasaun iha ita-nia komunidade sira”, hatete Gasparr, iha Otel Novo Turizmu, bainhira partisipa iha enkontru avaliasaun vasina Covid-19, kuarta (18/08).
Tanba tuir dadus tarjetu ba Munisípiu Dili ne'ebé mak populasaun atu tuir vasina ne'e totál 18000 ba loron ida.
Maibé totál ba populasaun sira ne'ebé seidauk simu vasina ne'e hamutuk 62.725, no sira ne'ebé simu ona vasina ne'e hamutuk 151,075, no Munisípiu Dili foin tama ba ba pursentu hitunolu ( 70%) ba vasinasaun nia.
“Ita tenke esforsu-an liután, tanba ita sira ne’e mak liña frente oinsá ita atu hamutuk halo prevensaun funu hasoru surtu Covid-19 no nia variante foun ne'ebé agora ita mós hasoru hela, ho númeru ida ne’ebé mak seidauk vasina, ita sira hotu sei esforsu tomak hodi serbisu hamutuk atu garantia ba ita-nia komunidade sira”, afirma nia. (*)
